أثارت تصريحات مساعد وزير النقل لشئون الأنفاق والسكك الحديدية، الدكتور عمرو شعت، بأن الدولة تخسر (10 جنيهات) كل يوم مع كل تذكرة كى تصل للمواطن بسعر 2 جنيه، مؤكدًا أن دور الوطن هو خدمي وليس استثماريًا وأحد واجبات الحاكم على المحكوم.
من جانبهم، شن مستخدمو التواصل الاجتماعي، هجومًا على تصريحات “شعت”؛ حيث قال عمر نور: في حاجة اسمها مسئولية الدولة، أنا عاوز أفهم انتو هاتعملو فينا إيه لازم يبقي في دعم من الدوله.
وأضاف: أمال موارد البلد من ضرائب وبترول وقناه السويس وكل موارد البلاد بتعملو فيها ايه بتوزعوها علي الحراميه بتوعكم، وبعد كده تطفحونا الدم الله يلعن اليوم اللي شفناكم فيه في ألمانيا المواصلات ببلاش.
في حين قال وائل الفراش: يا راجل طب ممكن تقول لي عدد المديرين كام واحد ورواتبهم كام وحوافزها كام وعلاوتهم كام انتوا بتستحمرونا بس انتوا كلكم مجموعه من الروث الفاشلين.
وسخر مصطفى عادل قائلاً: ليه بنركب “طيارة”.
أبو عمر سلامة تعجب على التصريح فكتب معلقًا: ليه يا سيدى أنت شاريها من تاجر جملة وبتبعها للناس بالخسارة.
تبعه أحمد صلاح فقال:انتو فاشله.. مش عارفين تسوقوا محطاتكم… ولا تظبطوا مصاريفكم… وكل حاجه عاوزين تزودوا ثمن التذكرة.. واين تذهب الضرائب التي تدفع من المواطنين.
خالد غنيم فطن للأمر فقال:وبدأت الحكاية من هنا، ومش عارفين أخرها تذكرة المترو سعرها هيكون كام؟
بينما قال أحمد محمود:وانت لازم تكسب من رفع سعر التذكرة طاب ما تكسب من اعلانات على المترو، وممكن تجيب افكار كتيرة حلوة وتستغلها وتكسب.
هدى الصواف سخرت من الأمر: طب لو كان مترو للادمين كنتم عملتوا ايه ده فيه محطات انت مش عارف بتركب فيها ازاي منن الزحمه والوقفه ولا مرعاه لحد مريض كبير في السن ولااطفال.
أحمد عبد الباسط حاول فهم الأمر فكتب: ١٠ جنيه في متوسط ٣مليون تذكره في الْيَوْمَ يعني في الْيَوْمَ ٣٠ مليون جنيه لا احنا نقفله ونخليه انفاق نصرف في المجاري أحسن وافيد ( كيف تستحمر شعب).
عبد الرحيم ابراهيم تعجب..هي دولة لتقديم الخدمات للمواطن ولا سبوبة.
طارق الفخرانى جاء بالخلاصة : شيل المستشارين و الحرميه حيفضل معك ملايين، واعمل صيانه محترمة ويتبقي معك ملايين اصرف مكافأت للعمال حيفضل معك شوية ملايين تخليهم في البنك للتطوير ده لو فيه حكومة محترمة تتقي الله في الشعب لكن للاسف الدولة حرامية وحكومة وس… بتبيع كل مخصصات الشعب للأمارات علشان تاخد السبوبه بتعتها.
وأضاف: جيش يستناك تتولد علشان يبعلك الحليب ولما تكبر شوية يبعلك اللحمه و المكرونه و الفراخ الفاسده و لما تتجوز اما انت تشتري شقه في مكان متخلف زي الدولة اما تشتري الاسمنت، حسبنا الله ونعم الوكيل دولة الظلم ساعة و دولة الحق الي قيام الساعة.
محمد جمال: يعني بدل ما تصلح عايز ترفع الاسعار على حس الحوادث، مش ناقص غير انكم تفتشو الناس.
جدير بالذكر أن مساعد وزير النقل لشئون الأنفاق والسكك الحديدية، عمرو شعت، قال في تصريحات لفضائية “إكسترا نيوز”، الإثنين، كيف ندعم المواطن في سعر تذكرة المترو أو السكك الحديدية وهناك خسائر كبيرة، مشيرًا إلى أن اشتراكات المترو للموظفين يتيح سعر التذكرة يتراوح ما بين 60 إلى 75% من ثمنها.
