تصدر هاشتاج “#تامر_امين_يهين_المصريين” موقع التواصل الاجتماعي القصير “تويتر”، وذلك بعد تداول مقطع لأحد أذرع خلايا الانقلاب الإعلامية من إحدى حلقات برنامج “آخر النهار”، وهو يعلق على تصرفات المصريين، واصفا إياهم بأنهم لا يعرفون معنى كلمة التباعد الاجتماعي، وأنهم لا يطبقون الإجراءات الاحترازية لمواجهة فيروس كورونا المستجد.

وقال تامر أمين خلال الفيديو: “انزل كده في الأحياء الشعبية وعند الناس الغلبانين اللي خدوا قدر بسيط من التعليم، واسألهم ماذا تعرف عن التباعد الاجتماعي، هيقولك التباعد الاجتماعي ده حاجة جديدة على الموبايل زي التواصل الاجتماعي، وواحد تاني هيقولك دي شركة مفروشات في مصر الجديدة، وواحد تاني هيقولك ده واحد بتاع تمويل عقاري عشان تاخد شقق”. وتابع الإعلامي تامر أمين قائلًا: “هتسمع كل حاجة إلا المعنى المظبوط”.

معاقبة المذيع المستفز 

وكان المجلس الأعلى للإعلام، برئاسة مكرم محمد أحمد، قد اتخذ قرارًا بمعاقبة الإعلامي تامر أمين في أوائل شهر أبريل الماضي؛ وذلك بسبب استخدامه ألفاظا لا تليق عبر شاشة التلفزيون، وجاء ذلك عبر تعليقه على خروج المواطنين خلال فترة الحظر بسبب فيروس كورونا المستجد.

وهاجم رواد تويتر، تصريحات “تامر” واصفين ذلك بالإهانة لشعب مصر، حيث هاجمه أحمد يحيى: “‏متعرفش يعني إيه تربية.. إعلامي فاشل.. كلامك عن المصريين خلى الناس كلها تطمع فينا”.​

وقالت إحدى الناشطات: ”لما يكون فيه إعلامي يطلع يقلل من عقل الشعب المصري ويستهزئ بيهم وميتوقفش يبقي محدش يزعل لما تلاقى شوية كوايتة ملهمش لازمه يطلعوا يشتمونا.. أصل اللي مننا بيشتمنا يبقى الغريب مش هيشتم؟ يا ريت يتم إيقاف تامر أمين بعد الإساءة للمصريين”.

وأكد أحمد حبيب: “‏اللي يغلط في المصريين يبقى هو اللي جابة لنفسه”. ودعا حكيم: “‏تامر أمين غلط ولازم يتحاسب مينفعش نسكت على الإهانة اللي هانها للمصريين.”

وردت صاحبة حساب “تونة”: “‏لو نسبة كبيرة من الشعب جاهله فده بسبب الإعلاميين اللي زيك”.

بينما قال متابع آخر: “وأنت والممثلين اللى عارفين معنى التباعد الاجتماعي طبعا.. وكنت مضايق إن شيرين بتقول إن النيل بيجيب بلهارسيا وبتهين مصر”.

واعترض آخر على تصريحات تامر أمين، قائلًا: “مش عيب على الغلبان والفقير إنه مش مثقف لأنه لا يملك المال والوقت للتعليم.. العيب على المتعلم والمثقف اللي بيستخف دمه وبيتريق علي الفقير والغلبان وبيعتبره إنسان درجة تانية”.

وقالت سارة سمير: “‏لما يكون فيه إعلامي يطلع يقلل من عقل الشعب المصري ويستهزئ بيهم وميتوقفش.. يبقى محدش يزعل لما تلاقي كويتة يطلعوا يشتمونا.. أصل اللي مننا بيشتمنا يبقى الغريب مش هيشتم.. يا ريت يتم إيقاف تامر أمين بعد الإساءة للمصريين”. 

Facebook Comments