حبًا لأبوتريكة.. رواد التواصل يلقنون وزير الرياضة الانقلابي درسًا قاسيًا

- ‎فيسوشيال

لقن رواد مواقع التواصل الاجتماعي خالد عبد العزيز، وزير الشباب والرياضة في حكومة الانقلاب، درسًا قاسيًا في احترام أمير القلوب ونجم النادي الأهلي والمتتخب المصري السابق محمد أبوتريكة، وذلك بعد تجاهله في بوست على صفحته على فيسبوك لمن أسماهم بـ”أباطرة القوى الناعمه المصرية”.

وكتب عبد العزيز: “أباطرة القوى الناعمة المصرية أم كلثوم ونجيب محفوظ وحسنين هيكل ومجدي يعقوب وعمر الشريف وأحمد زويل وعظماء غيرهم، أضيف إليهم إمبراطور جديد هو محمد صلاح.. تحيا مصر”.

ورد عليه محمد السيد قائلاً : “أبو تريكة اسطورة الاسااطير .. متزعلش الناس منك ياسيادة معالى الوزير”، فرد عليه عبد العزيزقائلا :”محلى وليس عالمى”، فرد عليه وليد الحويجي:”ابوتريكة اسطوره علي المستوي العالمي يا سيادة الوزير وتقدر تلمس ده لما حضرتك تسافر لأي دولة في العالم … تحياتي”، وكتب سعد أبو أسيل:”من زملكاوى تريكة فخر مصر والعرب”

وعلق بلال محسن قائلا :”محلى دى تتقال على بشير التابعى ولا رضا سيكا انما ابو تريكه اللى جاب امم افريقيا مرتين ولعب كاس عالم للقارات واوليمبياد وهداف كاس عالم للأنديه وافضل لاعب فى استفتاء بى بى سى وتانى افضل لاعب فى افريقيا اللى رياض محرز لما استلم منه جائزة افضل لاعب ف القاره السنه اللى فاتت قال دى احسن من الجائزه انى استلمها من ابو تريكه والكاف اختاره سفير للقاره بيتقال عليه محلى ؟! محلى لمجرد انه مختلف معاكو فى الرأى استقيمو يرحمكم الله” ، وعلقت زينت السيد :”لو اتبرع لصندوق تحيا مصر اكيد هيكون عالمي يا معالي الوزير”

وعلق أحمد السيد، قائلا :”يعني هيكل مين يعرفه غيرنا وام كلثوم العرب وقلة من الاجانب. ونجيب محفوظ برده العرب وختي الجايزة كانت لقصة معينة لكن كشهرة عالمية مفيش”، فيما علق محمد الجندى “رئيك فى السليم ابو مكة قوى ناعمة وابو تريكه يفوق ابو مكة انا فى الخليج يعشقون ابو تريكه”

وعلق جلال الطوشى، قائلا :”يعنى الاستاذ هيكل كان واخد كاس العالم في الصحافه ابوتريكه احد هدافي كاس العالم للانديه ابو تريكه تاتى أحسن لاعب على مستوى كل لاعبى افريقيا ابو تريكه من دعه رونالدو للعب مع فريق أساطير العالم في مباره خيريه ابو تريكه من دعاه زيدان للعبه فى فريقه فى العام التالى ابو تريكه صاحب أكبر شعبيه في افريقيا والعالم العربيه”،.

وعلق كريم سالم:”ابو تريكة افضل ب كتير من محمد صلاح، و ابو تريكة هوا اللاعب المحلي الوحيد في تاريخ الكورة اللي كل العالم عارفه، اتفرج علي تصويت احسن لاعب علي مر التاريخ بتاع الفيفا يا سيادة وزير الرياضة”.

وكتب محمد يحيى:”لو ابو تريكة بعد كل اللي قدمه لبلده وناديه يعتبر لاعب محلي فياريت كلنا نبقي محليين زيه ويظل تريكة اعظم لاعب في تاريخ مصر وافريقيا وكفاية ان محمد صلاح اللي بيتقال عليه لاعب عالمي واخد تريكة اللاعب اللي بيتقال عليه محلي قدوة ومثل اعلي ليه”، فيما كتب أيمن احمد”ابو تريكه الي رفع مع منتخب بلده 2 امم افريقيا و الي ليه شعبيه في العالم كله و مشرف مصر و ماتشات عالميه وديه بقي محلي بس”.