كتب: سيد توكل
في رسالة استغاثة بثها ناشط على الفيس بوك، اليوم الخميس، كشف خلالها ما يتعرض له الجنود المصريون الذين زج بهم رئيس الانقلاب عبد الفتاح السيسي في معارك الثأر والتصفيات في سيناء.
وقال "إسلام جمال" على صفحته: "أخويا واقف مستني الموت دلوقتي، واقف في نقطة مش متأمنة، وصحابي كلموني وحذروني إني متكلمش على النت عشان ميحصلش حاجة".
وأضاف في مرارة "إيه اللي هيحصل أوسخ من كدا؟ أخويا بيقلي ادعي ربنا إن يعديها على خير الليلة".
وتابع "أنا مش هستناه يموت؛ لأني أنا مش عارف أنا هقدر أعمل إيه لو دا حصل، الجيش بيضحي بالعساكر، أقسم بالله لما يسيبوا شباب خريجي جامعات كدا ف الهوا بدون حماية.. يبقى لمصلحة مين؟".
وأردف "أخويا في اللحظات دي بيواجه الموت حرفيا هو وشباب معاه معرفش مين هيقدر ينقذهم، أنا معنديش واسطة ولا الشباب دي عندها، إحنا غلابة، يعني لازم يسيبونا نموت.. والقادة نايمين وسهرانة دلوقتي؟ أنا معنديش وسيلة هنا غير الدعاء".
وتابع "أمي طيبة ملهاش في النت ومش هتقرأ الكلام دا، أنا بطلب كل الناس تشير الكلام دا، وينقذوا الأرواح دي، وأنا مش هقبل أخويا يكون كبش فدا لناس تانية".

جدير بالذكر أن الاستهداف المتكرر لكمائن الجيش المصري في «شبه جزيرة سيناء» بات لغزا محيرا للمتابعين والمحللين العسكريين، في ظل توالي بيانات سلطة الانقلاب عن نجاح قوات الجيش في استهداف بؤر الإرهابيين، وتدمير أنفاق ومخازن السلاح، والسيطرة على الأوضاع الأمنية هناك.
ويبدو أن المعضلة في «سيناء» تتجاوز المعادلة الأمنية إلى حد كبير، وسط تقارير تشير إلى تراجع التأييد الشعبي لقوى الجيش والشرطة بسبب البطش والقمع والقتل والانتهاكات، ما يضع تساؤلات جدية حول أسباب ودلالات تكرار عمليات الهجوم على كمائن أمنية بذات الأساليب والتكتيكات المتبعة في هجمات سابقة.