انتقد سكندريون ومعماريون وأهالي كوبري محمد نجيب بكورنيش الإسكندرية مع بدء التشغيل التجريبي له على أن ينتهي العمل فيه ديسمبر 2025 ورغم أنه لم يمر عليه سوى 5 أيام من الافتتاح إلا أنه شهد وفاة ضحيتي حوادث طرق حيث كانا يقودان دراجة نارية.
ورغم أن الحديث الرسمي من المسئولين أن الكوبري الجديد يهدف إلى تخفيف الضغط المروري في منطقة سيدي بشر، وتحقيق سيولة مرورية أكبر على طول الكورنيش وأنه سيسهل الحركة لحين الانتهاء من أعمال فواصل التمدد الإنشائية، بالإضافة إلى استكمال خطة تحويل المرور من إشارة سيدي بشر إلى شارع خالد بن الوليد للمرور أسفل الكوبري، تمهيدًا لإلغاء الإشارة المرورية نهائيًا، مما يسهم في القضاء على التكدسات بالمنطقة.
إلا أن منصات على مواقع التواصل الاجتماعي رأت المشروع بلا جدوى بل ويوجه له كثير من الانتقادات فصفحة "ديوان المعماريين" اعتبرته "تخريب الواجهة البحرية للاسكندرية" وأن "كوبري محمد نجيب مشروع متخلف عمرانياً، ينضم لسلسلة مشروعات تخريب الواجهة البحرية لمدينة الاسكندرية.".
وقالت منصة "مترو اسكندريه. Alexandria monorail" تعليقا: "هذا التخريب.. مسئول عنه ما يسمي جهاز تعمير الساحل الشمالي.. كل الكباري اللي ملهاش فايدة.. مسئول عنها هذا الجهاز.. الذي ليس له دور غير نشر القبح وإنشاء كباري بلا هدف أو قيمه.. اهدار ما في حوزته من الأموال لتربيح شركات المقاولات المشبوهة بعيدا عن الرقابة أو المحاسبة".
وألقى البعض باللائمة على السيسي وساخرا كتب مختار محمد "رجل قلبه معلق بالكباري".
ومن جانب بيزنس الجيش قال حساب Shane Underwood: "عشان مصنع الجيش للاسمنت يشتغل والمصالح والعمولات تطلع. ورانا جيش ولواءات نصرف عليهم. القاهره بين كل كوبري وكوبري تلاتين كوبري. غابه خرسانيه منهم لله".
أما كريم غندر Karim Gardner فقال: "منطقة محمد نجيب ديه كان فيها أكبر شاطئين في اسكندرية وكان فيها ملاعب راكيت وكرة شاطئية قدم وطائرة.. فجأة عملوا لسان قالوا حماية الشواطئ وبعدين رجعوا قالوا توسعات البحر فقضوا علي الشواطئ ديه وبعدين قالوا الكوبري القبيح ده..
التوسعات اللي انفتحت من 45 الي المندرة شواطئ صغيرة جدا وكافيهات في كل حته وحاجة آخر قرف.. اسكندرية باظت َباظت..".
وأوضح محمد فؤاد Mohamed Fouad أن "أي إنسان عاقل يقول ان هذا الكوبري على الكورنيش أمام شارع محمد نجيب ليس لة أي فائدة وقولنا هذا الكلام قبل التنفيذ لأنك وسعت طريق الكورنيش ذهابا وايابا لزمة هذا الكوبري في اتجاه واحد إيه ولا فائدة. كان من الأفضل وبدون تكلفه قبل وبعد تقاطع محمد نجيب مع الكورنيش سوي عدد اثنين يو تيرن وقلل عرض الجزيرة الوسطى الي متر ونصف. للأسف أموال تُهدر بدون دراسة وكله على حساب المواطن المصري الغلبان فى رفع المحروقات والكهرباء والغاز الطبيعي والمياه وحسبنا الله ونعم الوكيل فيكم أجمعين (ولا تحسبن الله غافلا عما يعمل الظالمون إنما يؤخرهم الي يوم تشخص فيه الأبصار).".
وقالت Princess Dina : " اسكندرية مش محتاجه كباري وخصوصا ع البحر عايزين يخلوا اسكندرية زي القاهرة كل ما تفكر تبص في السماء تلاقي كباري".
ورأى عبدالحميد Abdelhamid Shanaa · "مفطومين علي الطرق والكباري عشان السبوبة فيها حلوة".
واعتبر يحيى شديد Yehia Shedid أنه "لا يوجد لهذا القبح العمراني مثيل له في العالم.. يلاحظ في التطوير العمراني لمدينة تورنتو الساحلية.. قد قام المخطط بوضع السيارات كلها في نفق تحت الارض.. وبحيث يكون هناك اتصال بين المباني بطول الواجهة البحرية وشاطئ البحر..لك الله يا مصر".
ورأت أم عمر Om Ammar أن "الناس دي المفروض تتحاكم بتهم اهدار المال العام والغباء.. انتقام من البشر والحجر.. تعمد تشويه كل حاجه في البلد".
أخطاء هندسية
وعبر منصة Alex Cars Union (ACU) قال تامر عبدالعزيز Tamer Abd Elaziz: "كوبري محمد نجيب – السرعة مش اختيار.. الموضوع مش بس التزام سائق أو تعليمات مرور، في عامل هندسي بحت لا يمكن التحكم فيه: طاقة الشكل الهندسي."
وأوضح أن كما "أي شكل هندسي ليه قوة تحمّل، ليه كمان "طاقة" بتأثر على قائدي المركبات عليه.. كوبري محمد نجيب فيه منحنيات مزدوجة (أفقية ورأسية) قصيرة نسبيًا، ومع الارتفاع السريع بيولد إحساس عند قائد السيارة بـ انعدام الوزن، مع دخول قائد السيارة فى مود أنه داخل حلبه سباق نفس الإحساس اللي بيكون مقصود في ألعاب الملاهي عشان يخلي الناس مبسوطة.. ".
وأشار إلى أنه "على طريق سريع… ده معناه خطر .. اللي بيحصل.. صعود مفاجئ + منحنى قصير = إحساس بانعدام الوزن. ..بعده نزول بنفس المنحنى المزدوج = نفس الإحساس يتكرر.. النتيجة: المركبة تلقائيًا تزيد سرعتها لحدود 100 كم/س رغم إن المطلوب أقل من 60 كم/س. وانا جربت بنفسي .. وخصوصاً فى بداية ونهاية الكوبري … ".
وأكد أن " الحل الوحيد: فرض السرعة بتركيب رادار في بداية الكوبري ونهايته، والمخالفة توصل فورًا لقائد المركبة.. ووضع علامات تحذيرية فى منتصف الحارات.. علامات تحذيرية مضيئة بتخفيض السرعة ..غير كده، التصميم نفسه هيجبر السائق على مخالفة السرعة حتى لو مش عايز أصلها مش خرسانة وكوبري .. وخلاص ".
ولفت إلى أن "الصور المرفقة توضح المنحنيات المزدوجة في الصعود والهبوط، واللي هي السبب الرئيسي في الإحساس بانعدام الوزن وزيادة السرعة وكأنك فى حلبة سباق طبعا لو مش مصدق ممكن تجرب بنفسك .
حساب البروفيسور Mohamed S. Aly-Hassan قال إن "كوبري محمد نجيب بالإسكندرية يستحق نوبل للقباحة والحماقة الهندسية".
وتساءل ".. ليه عملوا كوبري كله منحنيات خطيرة بهذا الشكل وفى الشارع نفسه (يعنى موفروش مساحة جديدة لأن الكوبري أكل اللي تحت منه) وكل ده عشان يتفادوا الزحام عند تقاطع. طيب يا عم الجهبذ ما تعمل شورت كت أو باي باص (Shortcut/Bypass) على كوبرى مستقيم جوا المياه شوية كما الخط الأحمر. فتاخد بالصلاة على النبي كوبري محترم للي جاي على الكورنيش من غير منحنيات ولا توقف ولا زحام مروري.".
وأضاف "والله اللي اقترحته أعلاه مهواش اختراع والدنيا كلها عارفاه وبتعمله.. مثال: اليابانيون لما حبوا يحلوا مشكلة مرور على شاطئ في مدينة ناها بمحافظة أوكيناوا اليابانية، تركوا الطريق الأساسي والشاطئ كما هما وعملوا كوبريين مستقيمين Shortcut/Bypass بداخل المياه. حلوا المشكلة بشكل سليم وحافظوا على البلاج للمصيفين (وعشان مفيش حد يكذب أهو أنا بنفسي بجوار الحل كما ترون في صورتى على الشاطئ وخلفي صخرة ضخمة والكوبريين جوا المية والدنيا بيس)!
ولخص حساب "اسكندريه يعنى بحرى" أن "كوبري محمد نجيب حاجه كده بسم الله ما شاء الله ملهاش أى 30 لازمه والله ".
