#كروت_الشحن.. مغردون: يا ترى الصعيدى والبورسعيدى مبسوطين

- ‎فيأخبار

كتب-حسن الإسكندرانى
أطلق مستخدمو موقع التواصل الاجتماعي القصير" تويتر"، هاشتاجًا جديدًا يحمل وسم #كروت_الشحن، تنديداً برفع جميع أسعار فئات كروت الشحن بدءا من اليوم الجمعة من قبل وزارة الاتصالات بحكومة الانقلاب العسكرى.

وقد أثارت زيادة أسعار كروت الشحن، غضب رواد مواقع التواصل الاجتماعي، بعد إعلان شركات المحمول تقليل حجم الرصيد الذي يتيحه الكارت بنسبة 30%، وجاء الوسم ضمن قائمة الموضوعات الأكثر تداولًا في فترة قصيرة من الإعلان عن ارتفاع أسعار كروت الشحن. الإعلامى المصرى أسامة جاويش قال: قالك صبح على مصر بجنيه خلاهم تلاتين.. وقالك لو حكمتني هخلي المتصل يدفع والمستقبل يدفع ..واضح ان السيسي رايح بينا للحمام الزاجل #كروت_الشحن.

بينما قال حساب بإسم سامي: إمبارح وزير المالية يطلع يقول إنه مفيش زيادة في أسعار الوقود، وتاني يوم زودوا أسعار كروت الشحن وشغل ٣ ورقات زي ما الكتاب بيقول.
بينما علق إسلام: وزارة الاتصالات: رفع أسعار كروت الشحن 36% من الغد، وبغض النظر إن الخدمة.. ومع العلم أن شركات الاتصالات بتبيع الهوا أساسا.. تقريبا الهوا غلي.

وغرد عصام: يا جماعة هيزودوا أسعار كروت الشحن بعد الساعة 12، كارت الـ100 هيبقى بـ140 وهكذا، فالحقوا اشتروا شوية»، وعلق بسام: «أنا مش مصدق والله لحد دلوقتي موضوع كروت الشحن ده ومش عارف أصدق.

وأضاف انجيلى ضد الكنيسة: زعلان ليه؟؟ ده الطبيعي لارخص دخول لارخص عامل في دولة فيها من ارخص البني أدمين علي الأرض.


وعلقت الثورة حرة: الجهاز القومى لتنظيم الاتصالات: أسعار #كروت_الشحن مش هتزيد بس قيمة الرصيد الممنوح للكارت هتقل بنسبة %30 حلوة الصيغة دي.فى حين قال عماد: ياتري السوهاجي والقناوي والسيناوي والمحلاوي اللي ميه ميه والنوبه الجمال، مبسوطين كدا وفرحانين برضو.

أما حساب ساخر باسم توفيق عكاشة فقال: يوم الخميس ده يوم ف.. المصريين واحنا نستاهل ولسه #كروت_الشحن. أما الجزار فقال: لو انتم فعلا عندكم #مبدأ متشتروش لمده ٣ ايام كروت والشركات بمجرد ما تحس بالخساره هترجعه زي ما كان ويمكن اقل..متستقلوش بكلامي.