شن اللواء محمد نور الدين، مساعد وزير الداخلية السابق، هجوما حادا على المحامي مالك عدلي، قائلا: "أنت أصلا كنت مخبرًا لأمن الدولة، ماتعملش فيها قدام الناس أنك أحمد عرابي".

وقال نور الدين، خلال حواره ببرنامج "العاشرة مساء" على فضائية "دريم" مساء أمس الأحد، "أنا بدافع عن مصر من أمثال مالك عدلي، ولو محترمش نفسه أنا ممكن أتعامل معاه، وهو عارف أنا ممكن أعمله إيه".

وفي ذات السياق، قال مالك عدلي: "أنا مش هدافع عن نفسي؛ لأني عارف الأساليب دي كويس، وأنا مش مخبر لأمن الدولة"، مؤكدا أن "هناك اختفاء قسريًّا بشكل كبير؛ لأن هناك بلاغات للنائب العام، ويوجد شهود عيان على هذه الوقائع، كما أن هناك مواطنين يفقدون أرواحهم داخل السجون، وكل ذلك يصب في وزارة الداخلية".

وأضاف "أنا مش خايف من اتهامات سيادة اللواء؛ لأني مش خايف أنه يطلعلي السيديهات أو الصور الخاصة بي، ومش هرد عليه علشان هو أد أبويا".

واستكمل "الشرطة ليست هي الدولة، والشعب ممكن يعيش من غيرها ومش هتسقط مصر"، موجها حديثه لمساعد وزير الداخلية السابق: "احترم الجهاز اللي أنت تابع ليه".

ومن جانبه، اعترض اللواء نور الدين على تصريحات مالك عدلي، قائلا: "أنا هنسحب ومش هقعد مع شوية عيال بيهينوا رموز الدولة المصرية، ولازم يحترم نفسه".

Facebook Comments