أطلق جمهور الزمالك (الثالثة يمين) وهي المدرجات التي تضم الجماهير المساندة للفريق، هاشتاج “الحرية لاخوات العشرين” ليتصدر المركز الرابع على “تويتر” في فترة قصيرة ويرشحه المغردون ليتصدر المركز الأول على التغريد في مصر.
ويتزامن الهاشتاج مع اعتقال جمهور الزمالك وأبرزهم (كابو المشجعين) سيد مشاغب ومصطفى طبلة، و16 آخرون مع أحكام حبس قاسية تصل إلى 7 سنوات، وتوضيح ما يتعرضون له من ظلم لمجرد أنهم جمهور كورة.
يعتبر أحمد رمضان أن الهاشتاج هو “لكل واحد محبوس ظلم وافتراء ..التشجيع مش جريمه وكلمه الحق مش تهمه ..ناطحات السحاب المبنيه من الظلم هتتهد فوق رؤوس اصحابها.. ربك يمهل ولا يهمل”.
كفاية ظلم
وقال “مؤمن”: “كفاية ظلم سيبوا الشباب يعيشوا حياتهم وسط أهاليهم وأصحابهم سيبوا الجمهور يرجع المدرجات اللي اتحرم منها بسبب قمعكم”.
وخاطبت أروى حسين صفوف الإنقلابيين فكتبت “قتل وإسجن ايه الجديد ،إبني سجونك عاليها ،مهد الثورة في العقول، إنسى بظلمك تمحيها.شمس الحرية دى اجمل غنوه فالوجود الكورة للجماهير”.
وهتف “عوني”، “شمال يمين خرجوا المحبوسين شمال يمين خرجوا المحبوسين.. الحريه لاخوات العشرين العفو هو الحل..خرجوا المحبوسين مرتضي قتل العشرين”.
وغرد حساب البوابة 20 (GATE 20) عن “شهداء مذبحه الدفاع الجوي : انا القتيل وانا الدليل ،،،اتهمتوا أخواتنا وأصحابنا بقتلنا !! حاسبوا القاتل والمخطط والمحرض والمُنفذ ماتحاسبوش صحابنا !!”.
سيد مشاغب
واوضح “عبدالله محمد” أن “اللي ماتو دول اصحابي اللي ماتو دول اخواتي مش كفايه حسرتي عليهم كمان بتتهموني اني انا الي قتلتهم ..ده كان كلام سيد مشاغب في بدايه التحقيقات معاه بعد ما اتهموه بقتل اخواته وأصحابه اللي مصر كلها عارفه مين القاتل ومين المجرم الحقيقي!!”
فيما تناول “أحمد عبدالله” تفاصيل ما حدث في ملعب الدفاع الجوي “فجأة الجو اتملى دخان والخرطوش من كل مكان..افتح بابك لم كلابك ناس بتموت يا ضعيف يا جبان..اصحاب ياما على الاكتاف فين النجدة فين الاسعاف..غدروا بأكتر ناس بتحب تاه العقل وضل وخا..قاله يا اخويا كفاية عليك نفد الأمر ومش بإيديك..ضمه في حضنه قاله في ودنه”.
حضرت المذبحة
وعما يتعرض له مشجعي الزمالك من ظلم كتب “عمرو يوسف”، “تخيل إن في عز قهرك ع موت إخواتك تلاقي نفسك متاخد و بتتحاكم في قتلهم لمجرد انك كنت موجود في الاستاد يومها يعني مش بعيد كنت تبقي مكانهم او مش شرط تكون حضرت المذبحه بس بتتحاكم لمجرد انك معروف بين جمهور ناديك و بلدك كلها ده باختصار اللي حصل مع الناس دي”.
وفي عدة تغريدات قال مصطفى في إحداها “مهم الناس تكون عارفة ان غير سيد مشاغب وطبلة فيه ١٢ مشجع لنادى الزمالك واخدين احكام من ٧ ل ١٠ سنين سجن في نفس القضية..الناس دي ملهاش اى ذنب غير انها كبش فدا في قضية كل الناس عارفة الجاني الحقيقي فيها..يا رب انت السميع المجيب يا رب افرجها”.
