تفاعل ناشطون ومراقبون على منصات التواصل مع تصريحات مصطفى مدبولي عن زيادة أسعار "استثنائية" إذا طال أمد الحرب (في إشارة للعدوان الصهيوامريكي على إيران) وتبنى رئيس حكومة السيسي المتضادات (كل حاجة وعكسها) فمهد الطريق لزيادة الأسعار قائلا: "زيادة أسعار السلع تخضع لرقابة دقيقة من الدولة وستكون طبيعية في حال استمرار أمد الحرب" رغم أنه أدعى أن "الدولة المصرية تمتلك سيناريوهات عديدة للتعامل مع الأزمات المحتملة فى حرب إيران".
ولم يفسر هشاشة مصر حيال التأثر حتى بالحروب البعيدة وتداعياتها مثل الحرب على أوكرانيا أو إيران قائلا: "مصر ستتأثر بإغلاق "هرمز" واستهداف منشآت النفط".
وقال: "لا توجد حتى الآن أي قرارات أو توجهات أو رؤى لرفع أسعار البنزين خلال الأيام المقبلة" إلا أنه تبنى العكس مباشرة بقوله: "أي تحرك محتمل في أسعار البنزين في هذا الشأن سيكون مؤقتًا"!
الرسالة الأعمق من تصريحاته هي أن حكومة السيسي تستعد لسيناريوهات ضاغطة، وأن الاستقرار الاقتصادي مرهون بتطورات إقليمية لا تملك مصر السيطرة عليها بالكامل.
حساب @altaly56145 علق قائلا: "تشعر كده ان مدبولى فرحان بالحرب عشان وجد مبرر لزيادة الأسعار على المواطنين!.. حسبنا الله ونعم الوكيل".
https://x.com/altaly56145/status/2028939211445793150
وأضاف @ShakerShakerx "السيد مدبولي لو سمع ان في واحده بتولد وعندها طلق الولاده هيعتبرها ازمه وياخدها فرصه لرفع الاسعار .. يا سيدي الفاضل ارحلوا وخلونا نشوف اللي يجي يعدلها".
وقال سامح @samehsaied19: "مدبولي لا يملك من امره شيئا.. غير هز رأسه بالموافقة وتنفيذ التعليمات.. الدوله تعيش على القروض والتسول والجبايه من جيب المواطن".
https://x.com/tamergamalhosny/status/2028934718901670021
ورآه شاكر @ShakerShakerx ".. بيمهد الطريق لرفع الاسعار " متعجبا "الدول اللي فيها المشاكل ما رفعت اسعارها".
وقال @AlasylKmal ".. ربنا يسترها علينا الناس بتكح تراب ومش مستحملة اى زيادات جديدة فى الاسعار وشكل مدبولى كدا هيولعها نار لانه بومة ووش فقر ومع كل ولاية جديدة له تحصل كارثة عالمية … ".
وبعد مناشدته السيسي "..شيل الجدع المنحوس ده واخفيه فى اى مصيبة بعيد عنا" تعجب @angell5xh وقال: "أنت بتسأل واحد نحس علي مصر انه يشيل مدبولي".
وكتب أحمد @A7medElsa7er "ايه يا مدبولي انت مصدقت .. امال لو مصر دخلت الحرب هتعمل فينا ايه".
https://x.com/A7medElsa7er/status/2028883027569356839
حلول محفوظة
وساخرا كتب أيوب @aywbalmsry2 ".. هو مدبولي ده معندوش حلول غير كدة… هو مفيش حلول خارج الصندوق ؟.. معندكش غير رفع الأسعار مثلاً.
خلاص الناس مش قادره حرفياً.. وبعدين أمريكا وإسرائيل بتضرب في إيران إحنا دخلنا ايه فى الليلة السودة دى".
https://x.com/aywbalmsry2/status/2028910587002986535
وقال مصطفى عيسى @MEssahassa66362 "لا اثق فى تصريحات مدبولى فهو فاشل".
https://x.com/MEssahassa66362/status/2028903701683839040
وتساءل حساب @ThawretShaaab "مدبولي بيقول طول مدة الحرب هيؤدي لزيادة الأسعار طب ممكن تقولنا :
📌 هو الدولار لما كان ب 6 جنيه وبقى ب 18 وبعدين 30 و45 كان فى حـ ـرب ؟
📌 هو لتر البنزين لما كان بجنيه وبقى ب 8 وبعدين 18 جنيه كان فى حـ ـرب؟
https://x.com/ThawretShaaab/status/2028938212492886097
وأضاف محمد @3nan_ma "مدبولي مش رئيس وزراء، ده محلل شرعي لخراب بيوتنا، طول ما الحكمة بتتقاس بمدى رضا الريس مش بمدى رضا الناس، يبقى إحنا في نفق مظلم ومدبولي ماسك الكشاف وبيقولنا نور الحكمة أهو…!".
واختصر الحقوقي هيثم أبوخليل @haythamabokhal1 الأمر في "تعريف الكارثة المخيفة في مصر في كلمتين: 79% من إيراد مصر من الضرائب .. 83.4% من إيراد مصر يصرف في خدمة الدين!".
وأضاف الناشط أحمد لطفي @AHMADLO13219562 "تصدق إن إسرائيل اللي داخلة في سنتين ونص بتحارب.. الشيكل ارتفع 2% ومؤشر بورصة تل أبيب كمان ارتفع 4.3%.. وإحنا اللي لا بنحارب ولا مشتركين فيها بأي صورة وكل شوبة يطلع "فسل" يكلمنا عن الأمن والأمان الجنيه انخفض 3.7% ومؤشر البورصة المصرية نزل 5%.. لا تخرج قبل أن تقول الله يخرب بيت أبوكم".
وعقد مصطفى مدبولي مؤتمراً صحفياً أعلن فيه أن الحكومة وفرت جميع السلع الاستهلاكية بما فيها البترول والغاز والقمح والعلف لعدة أشهر قادمة ، تحسباً لتداعيات الحرب وقال إن مصر استعدت للأزمة المحتملة منذ حرب الـ12 يوماً في يونيو الماضي وزعم أن هذه الحرب ليس فيها كاسب وأن مصر سعت لمنع التصعيد في المنطقة.
وكشف أن حكومته اجتمعت يوم الخميس قبل الحرب بيومين ، بعد أن وصلتها تقارير بقرب اندلاع الحرب ، لتأمين كل الاحتياجات الضرورية للشعب المصري.
