كشفت رسالة مسربة من داخل السجون عن حقيقة مبادرة المعتقلين التي تداولتها الأذرع الإعلامية للانقلاب العسكري منذ أيام.
وقال أحد المعتقلين، في رسالة له: “بخصوص الرسالة المسربة، أنا أحد هؤلاء المعتقلين في سجون الانقلاب منذ أكثر من 6 سنوات، مررت بظروف قاسية جدا طوال هذه الفترة، بداية من الإخفاء القسري والتعذيب والتنكيل بي وبأسرتي، بالإضافة إلى معاناة أهلي خلفي في السجون.. بس الصراحة بعدما وصلتني هذه الرسالة من أحد زملائي وعلمت بما حدث حولها من جدل كبير تأكدت أننا نمشي نحو الطريق الصحيح”.
وأضاف: “واحد بقى ييجي يقوللي إيه بقى يا “عم المتأكد” الطريق أصلاً؟، مش هرد عليك وأقولك الطريق ده هو استكمال أهداف ثورة يناير اللي نزلنا فيها علشان نحرر وطننا، ولا هقولك علشان القتل والاغتصاب والحرق والكلام دا، برضه مش هقولك إن هناك رؤية وخطط استراتيجية والكلام الغامض ده لأنك مش هتسمعه بعقلك” .
وأشار إلى أن “شغل الشئون المعنوية والأمن الوطني هو اللعب على المشاعر والضغط عليك من هذه الناحية حتى تتناسى الحقائق ولا ترى الأمور بعقلك”.
وتابع: “أنا هارد عليك وعلى سؤالك من خلال عدة تساؤلات راودتني :
1- هل هناك علاقة بين أخطاء الجماعة وبين الانقلاب؟
بمعنى يا سيدي بالبلدي كده لو أن الجماعة في مصر لم تخطئ في حكم بلد بهذا الحجم هذا العام وفي ظل هذه التحديات (داخلي: جيش وشرطة وإعلام وقضاء ورجال أعمال و.. ، خارجية: الإمارات والسعودية و.. ، عالمية: أمريكا والاتحاد الأوروبي و.. )، كان هيحصل انقلاب ولا لأ؟، مش عايز منك إجابة فكر وخللي الإجابة عندك .
2- ما تراه من فُجر هذا النظام ليس مع خصومه فقط بل حتى مع شركائه وداعميه، هل تتوقع أن الإخوان لو أخدوا خطوة للوراء فعلا من أيام رابعة كان الوضع هيكون أحسن من دلوقتي؟ يعني مفيش حبس ولا قتل ولا اغتصاب ولا الكلام ده؟، بالعكس كان هيحصل بس الفرق إن مفيش حد كان هيسمع لينا حس، مش كدا بس بالعكس كانوا هيتهمونا بأننا خونة وتركنا حق الشعب في 5 استفتاءات حرة ديمقراطية ولم نصمد من أجل حقوق الوطن .
3- ييجي واحد بقى يقوللي معاك حق إحنا كان لازم نقف ونصمد زي ما قولت كدا بس الصمود والمقاومة مش كدا.. كان ممكن نقف ونقاوم بس مش بصدورنا كدا نقف ونقاوم بالسلاح.
بص يا سيدي أنا مش هقولك أعطني تصور للنهاية للموضوع دا، ولا هقولك إن إمكانياتنا تسمح ولا لأ .
ولكن هقولك أعطيني مثالا واحدا خلال الـ10 سنوات اللي فاتت لثورة مسلحة نجحت، ولكن ممكن أعطيك عشرات النماذج لثورات سلمية حالية وفي التاريخ نجحت .
4- عايز تعرف بقى إنت حجمك كدا ايه؟ أو أن صبرك وصمودك آخره إيه؟
بص يا سيدي على هلع وخوف النظام من هتاف في الماتش لأبو تريكة ولا على صفارة من بلكونة!!”.
وأردف قائلا: “وأخيرا عايز أقولك على حبة حقائق حصلت بالفعل :
1- أن الإخوان فعلاً قالوا إننا مستعدون لأي مبادرات حقيقية من أجل فك الوضع الراهن وخروج المعتقلين .
2- أن هناك فعلاً ناس عملت مبادرات في السجون ولكن لم ينظر إليهم، رغم ما قدموه من تنازلات كبيرة لدرجة العمل مع الأمن.
3- أن من بين هؤلاء الذين قدموا مبادرات في السجون 2 من الشباب اللي اتحكم عليهم بالإعدام في قضية كرداسة من يومين.. مش بس كدا وأغلب اللي خدوا مؤبد.
4- النظام بيعمل كدا علشان يسوق الكلام دا للعالم كله أننا فعلاً إرهابيون وإحنا اللي بنطلب الإفراج عنا مقابل نبذ العنف .بص يا سيدي نحن لسنا إرهابيين كما يريد النظام.. نحن ثوار سلميون .
5- الحرب مش علينا إحنا كإخوان فقط، المعركة على قضايا التحرر الوطني في العالم العربي ككل، ولو مش مصدقني بص على اللي بيحصل حواليك في اليمن والسودان وليبيا وسوريا.
6- المعركة اللي بيحسمها الضعيف (لأنه لو لم يستسلم لما انتهت المعركة).
7-عايز تقيس أنت بتحقق نجاح تجاه هدفك ولا لأ.. بص على درجة الوعي عند الشعب يوم الانقلاب ودلوقتي، وقتها مكنتش تقدر تفتح بوقك بكلمة واحدة على الجيش، لكن الوقت الطفل الصغير شاهد على إجرام العسكر .
8- الأحرار في السجون مفيش حد يقدر يقول إن فيه 350 معتقلا ولا حتى 1350 بيمثلوا الآلاف من المعتقلين في السجون، إن صح ذلك.
9- عايزك تفكر إزاي إن الرسالة دي في يوم واحد انتشرت على كل المواقع والصفحات وعمرو أديب يتكلم والصفحات تنشر.
